Рождество Господа и Спаса нашего Iисуса Христова.
(25 декабря/7 января)

Тропарь, гласъ 4-й:
Рождество Твое, Христе Боже нашъ, возсiя мiрови свѣтъ разума, въ немъ бо звѣздамъ служащiи звѣздою учахуся Тебѣ кланятися, Солнцу Правды, и Тебѣ вѣдѣти съ высоты Востока. Господи, слава Тебѣ!


Кондакъ, гласъ 3-й
Дѣва днесь Пресущественнаго раждаетъ, и земля вертепъ Неприступному приноситъ, Ангели съ пастырьми славословятъ, волсви же со звѣздою путешествуютъ, насъ бо ради родися Отроча Младо, Превѣчный Богъ.

Величаніе
Величаемъ Тя, Живодавче Христе, насъ ради нынѣ плотію рождшагося отъ Безневѣстныя и Пречистыя Дѣвы Маріи.

Задостойникъ, гласъ 1
Величай, душе моя, Честнейшую и Славнейшую горнихъ воинствъ, Дѣву Пречистую, Богородицу. Любити убо намъ яко безбѣдное страхомъ удобее молчаніе, любовію же, Дѣво, пѣсни ткати, спротяженно сложенныя, неудобно есть, но и, Мати, силу, елико есть произволеніе, даждь.

«Вернуться къ оглавленiю

Слѣдующiй тропарь »